Isa sa pinakamaraming maling entrada sa birth certificate ay ang maling gender o kasarian. Pinanganak na lalaki, nairehistro na babae. Ayon sa Helpline ng Philippine Statistics Authority ang maling gender ay isa lang clerical error kaya maaring maitama ‘pag nag-file ng petition for correction of gender sa Local Civil Registry (LCR) kung saan nakarehistro ang birth certificate.
Ito ay ayon sa batas RA10172. Ang hangarin ng batas ay para gawin na mas madali ang pagtatama ng mga entrada sa birth man o marriage certificate at iba pang dokumento na maliit lang ang gastos. Noong wala pa ang RA10172 ay sa Husgado sinasampa ang petition.
Pero napadali ba? Mukhang lalong humirap.
Ayon sa PSA HELPline ang mga requirements na kailangan ay ang mga sumusunod:
1. PSA copy ng birth certificate na may entradang maling gender.
2. PSA Marriage certificate kung kasal.
3. PSA birth certificate ng mga anak ng petitioner.
4. School records
5. MEDICAL RECORDS ISSUED BY AN ACCREDITED PHYSICIAN THAT THE PETITIONER HAS NOT UNDERGONE SEX CHANGE OR SEX TRANSPLANT
6. NO PENDING CASE CERTIFICATE GALING PNP, NBI or employer
7. 2 valid IDs
8. Affidavit of publication
9. P3000 pesos fee
Sa dami ng requirements na hinihingi ng LCR ay mukhang mas mahirap at mas magastos ang pagtatama ng gender sa LCR.
Bakit kailangan pa ng “medical records issued by an accredited physician that the petitioner has not undergone a sex change or sex transplant”? Aba’y sa itsura na lang ng petitioner ay malalaman mo na lalaki siya o babae. Bakit kailangan pa na patunayan ng isang accredited doctor (hindi basta doctor) na hindi siya nagpa-sex transplant. Marahil kung may duda ang LCR ay sige pero kung NAPAKA OBVIOUS NAMAN NA LALAKI O BABAE ang petitioner bakit kailangan pa ng medical certificate from an accredited physician. Isa pa, maski hindi accredited physician kayang kaya ng ordinaryong tao na malaman ang lalaki at babae! Gastos pa yan. At di ba requirement na i-submit din ang mga birth certificate ng mga anak at kapag kasal ay marriage contract? Hindi pa ba sapat na patunay na babae ang petitioner kapag nanganak na sya o nakasal. Ang lalaki naman hindi pa ba sapat na natuli na siya at nagasawa na? Hindi ba pwede na sa ITSURA PA LANG NG PETITIONER AY i-CERTIFY NA NG LCR NA LALAKI O BABAE SIYA. Bakit ginawang rule pa ang certificate ng non-sex change? Ilan ba ang nagpapa-sex change? At kahit ilang sex change pa gawin ay mahahalata naman sa katawan, kilos at iba pa ang kasarian ng tao! Dapat alisin na ng PSA ang requirement na ito!
Isa pa ay ang certificate of no pending case? Ha?! Aba’y ibig bang sabihin na kung may kaso siya ay hindi na niya pwede itama ang gender niya sa birth certificate? Ano ang connection ng gender sa kaso? Kung may kaso bang trespass to dwelling o reckless imprudence resulting to damage to property ay aantayin pa niya matapos ang kaso para maitama gender niya? Ano koneksyon ng kaso sa pagtatama ng gender?
At para saan pa ang publication? Mahal ang bayad sa publication. At karaniwang may problema sa mga maling entrada sa birth certificate ay mahihirap. Hindi nila kaya ang magbayad pa ng publication. Sa totoo lang hindi naman kasalanan ng may ari ng birth certificate ang mga maling entrada sa birth certificate nya. Hindi ba pwedeng padaliin ang requirenents at babaan ang fees?
Panawagan po natin sa PSA at mga mambabatas na tingnan itong mga pahirap policies na ito sa pag correct ng mga entries sa birth certificate at mapadali para sa tao, at sa ganitong mga problema kailangan ng tulong ng ARTA. Ang mga ganitong pahirap requirements ang ugat ng korapsyon sa mga Ahensiya. Pahirapan sa requirements para magbigay ng padulas. Maawa kayo sa tao.
Para sa mga karagdagang katanunggan, tumawag laamang o mag-text kay Atty. Ariel Inton, President, Lawyers for Commuters Safety and Protection (LCSP), sa Mobile No. bilang 09178174748. IA
